Элеттеги бала-бакчалардын иши кандай тартипте жүрүп жатат?

28 Сентябрь 2020 жыл 22:46
Количество просмотров: 43

Кочкор районунун Чолпон айылындагы “Бүчүр” бала бакчасы өлкөдөгү кырдаалга байланыштуу кандай тартипте иш алып барууда?

Бул тууралуу аталган бала бакчанын жетекчиси Таалайкүл Садыбакасова төмөнкүлөрдү билдирди:

«Бүчүр» бала бакчасынын жетекчиси Таалайкүл Садыбакасова

”Быйылкы жылдын 24-мартынан баштап, өлкөдөгү кырдаалга байланыштуу бала-бакча карантинге жабылган. Апрель, май айлары аралыктан иш алып бардык. Андан кийин балдар эс алууга чыгышты. Сентябрь айынан тартып, кайрадан аралыктан иштөөгө өттүк. Бала-бакчалар кадимки тартипке качан иш алып барары белгисиз. Бардыгы өлкөдөгү кырдаалдан көз каранды”.

Бала бакчадагы тарбиячы Сезим Жеңишова буларга токтолду:

Тарбиячы Сезим Жеңишова

“Бала-бакчадагы бөбөктөрдү аралыктан окутуу бир топ эле кыйын иш экен. Телефондон “WhatsApp” соц тармагы аркылуу атайын ата-энелер менен биргеликте топ түзүлгөн. Ал топтон бөбөктөргө тапшырмалар берилип жатты. Бирок талапты катуу койгон жокпуз. Анткени окуучулар дагы аралыктан окугандыгына байланыштуу үй-бүлөдө телефон тартыштыгы жаралып жатты. Ата-энелерге эле кыйын болуп калат экен. Анын үстүнө мектеп жашына жете элек курактагы балдарга телефондун пайдасы деле жок.”

Бала бакчанын сырткы көрүнүшү

 

Бала бакчада 60 бала тарбияланат. Ошондой эле кичи жана чоң эки топ бар

 

Түшкүсүн балдар уктоочу бөлмө

 

Ар бир баланын өзүнө тиешелүү кийим салуучу текчеси бар

 

Атайын бөбөктөргө арналып жасалган, кызыктыруучу көрсөтмө куралдар

Бала- бакчалардагы балдар да онлайн окууга дуушар
Перизат Таштанова

Добавить комментарий

Ваш адрес email не будет опубликован. Обязательные поля помечены *


Календарь

Календарь