Коронавирус илдетине байланыштуу ѳлкѳгѳ карантин жарыяланып, жогорку окуу жайлар жана мектептер аралыктан окутулуп, окуучулар онлайн билим алышты. Онлайн окутуулар кандай болгондугу тууралуу мектеп окуучуларынан сурап билдик.
Куу-Майдан айылындагы Жапар Нышанов атындагы орто мектебинин 3-классынын окуучусу Мумина Молонова телевизордо кѳрсѳткѳн сабактарга анча түшүнбѳгѳндүгүн айтты:
Мумина Молонова, 3-класс
«Баластандан сабактарды кѳрүп аттым бирок мектепте эле окуган жакшы экен себеби эжеке доскага жазып түшүндүрүп берет эле. Онлайн окуганда эжеке кѳп тапшырма берет экен мектепте аз берчү», -дейт Мумина.
Жапар Нышанов мектебинин 4-классынын окуучусу Алимбек Султаналиев: «Кыргыз-тил, математика, адабий окуу жана башка сабактардын баарын онлайн окудук. Телевизордон сабактарды кѳрүп аттым мен үчүн түшүнүктүү эле болду»,-деп билдирди.
Алимбек Султаналиев, 4-класс
5-класстын окуучусу Назбийке Асанова мектепте классташтары менен чогуу окугусу келгенин билдирди: «Үйдѳ мектептегидей кызыктуу болбойт экен. Мугалим жаныңда болсо түшүнүктүү кылып түшүндүрѳт эле»
Назбийке Асанова, 5-класс
Мадина Кудайберди кызы онлайн сабактар башында бираз кыйынчылык жартаканын акырындап кийинчерээк үйрѳнүп кеткенин бирок мектепте мугалим менен бетме-бет окуган жеткиликтүүрѳѳк болоорун билдирди.
Мадина Кудайберди кызы, 10-класс
Карантин бүтүрүүчүлѳргѳ бир топ кыйынчылык жаратканын мектеп бүтүрүүчүсү Тахмина Абдикарим кызы белгилей кетти.
Тахмина Абдикарим кызы, бүтүрүүчү
Анын айтымында: «Карантиндин бүтүрүүчүлѳргѳ терс таасири ѳтѳ кѳп болду. Биринчиден, жалпы республикалык тестке жакшы даярдана албай калдык. Мамлекеттик аттестациялоо, экзамен, бүтүрүүчү кечебиз болгон жок»,-дейт Тахмина.
Онлайн-бүтүрүүчү: Быйылкыдай мектепти бүтүрүүнү эч кимге каалабайм
Аймончок Кожонова
