Акталаада дарыгер Кубанычбек Карагуловдун мемориалдык тактасы орнотулду

4 Декабрь 2020 жыл 9:19
Количество просмотров: 95

Ак-Талаа районунда белгилүү дарыгер Кубанычбек Карагуловдун мемориалдык тактасы өмүрүнүн акырына чейин өзү иштеген ооруканага орнотулуп, дарыгерди эскерүү иш-чарасы болду.

Дарыгер Кубанычбек Карагуловдун мемориалдык тактасын ачуу учуру

Дарыгер Кубанычбек Карагуловго арналган  мемориалдык такта

Мемориалдык тактанын ачылышы жана дарыгерди эскерүүгө жергиликтүү бийликтин өкүлдөрү, хирург К. Карагуловдун үй-бүлөсү, туугандары, кесиптештери, замандаштары жана достору катышты. Эскерүү кеченин жүрүшүндө маркумга багышталып куран окулуп, аза күтүлдү.


Андан соң, келген өкүлдөр хирург К.Карагуловдун ишмердүүлүгү, кулк-мүнөзү, бейтаптарга кылган мамилеси, жаштарга үйрөткөн акыл-насааттары туурасында эскерүүлөрүн айтып өтүштү.

Кесиптеши, Ак-Талаа райондук аймактык оорукана башчысы Гулзуура Чолпонбаева

Сейтек Кулубаев райаким( солдон биринчи), Талант Турусбеков Батов айыл өкмөтүнүн башчысы (солдон кинчи)

Медайым, кесиптеши Бурул Сасинова

Баетов айылынын аксакалдары эскерүү учурунда

Дарыгер Кубанычбек Карагуловду  кесиптештери эскерүүдө

Карагулов Кубанычбек Жумагулович 1965-жылы 14-августта Нарын облусунун Ак-Талаа районундагы Баетов айылында төрөлгөн.

1972-1983-жылдары М.В.Ломоносов (азыркы Шүкүрбек Бейшеналиев) атындагы орто мектебинде,  1983-1989-жылдары Кыргыз Мамлекеттик Медициналык институттунун дарылоо иши бөлүмүндө билимин жогорулатып, дарыгер адистигин алган. 1989-1990-жылдары Нарын облусттук ооруканасында хирургия бөлүмүндө интернатурасын өтөп, дарыгер-хирург кесибине ээ болот.

1990-1992-жылдары Ак-Талаа райондук борборлоштурулган ооруканасында дарыгер хирург, 1992-1994-жылдары Ак-Талаа райондук борборлоштурулган ооруканасында хирургия бөлүмүнүн бөлүм башчысы, 1994-2006-жылдары Ак-Талаа райондук борборлоштурулган ооруканасында башкы дарыгердин орун басары, 2003-жылдан баштап өмүрүнүн аягына чейин врач-хирург болуп үзүрлүү эмгектенген.

2006-2011-жылдары Чүй облусунун дарылоо борборунун диагностика бөлүмүнүн бөлүм башчысы, 2011-2013-жылдары Ак-Талаа райондук аймактык ооруканасынын директору, 2013-2017-жылдары хирургия бөлүмүнүн бөлүм башчысы, 2017-жылдан баштап ден соолугуна байланыштуу өмүрүнүн акыркы күндөрүнө чейин Ак-Талаа райондук борборлоштурулган ооруканасында жогорку категориядагы дарыгер- хирург, дарыгер-узист жана дарыгер-рентгенолог болуп иштеген.

Дарыгер Кубаныч Карагулов эмгектенген оорукана

Дарыгердин жубайы Чолпон Рысбаев жана уулдары Данияр, Санжар, Бактияр

Дарыгердин уулу Данияр Кубанычбеков жана бир тууганы Сүйүнбек Карагулов

Дарыгерлик кесиби менен бирге үлгүлүү үй-бүлөнү кура алган К.Карагулов 3 уулдун камкор атасы. Ал, 2020-жылдын 7-июль күнү COVID-19 илдети жана эки тараптуу пневмониядан улам каза болгон.

 

Наргиза Ырысбекова

Добавить комментарий

Ваш адрес email не будет опубликован. Обязательные поля помечены *


Календарь

Календарь